بیبگر بلوچ آمیدگسی پرمان ءَ اَبید مروچی ھم آمیدگس ءَ پیش نہ کتگ

بلوچ یکجھتی کمیٹی ءِ راھشون بیبگر بلوچ مروچی ھم آمیدگس ءَ پیش کنگ نہ بیتگ-

بی وائی سی ءِ راھشون سمی دین بلوچ ءَ گْوشتگ کہ بلوچ یکجھتی کمیٹی ءِ بُنجاھی رکن، بیبگر بلوچ کہ اے وھد ءَ ریمانڈ واستا پولیس دست ءَ اِنت، شمبے ءِ روچ ءَ آمیدگس پیش کنگی بیتگ، بلے اے وڑ کنگ نہ بیتگ، چریشی ءَ پد مروچی، دوشمبے ءِ روچ ءَ آمیدگس پیش کنگ تاریک دیگ بیتگ بلے مروچی ھم آ آمیدگس ءَ پیش کنگ نہ بیتگ-

آئی ءَ گْوشتگ کہ ھالانی رِد ءَ، بیبگر بلوچ کہ بجلی گھر تھانہ ءَ بندیگ اِنت. گوستگیں روچ ءَ چہ ناشناسیں جاھے ءَ برتگ-

آئی ءَ گْوشتگ کہ مارا بیبگر بلوچ ءِ زندگی ءُ سلامتی درگت ءَ سک تُرس اِنت-

زانگ بہ بیت کہ بیست مارچ ءِ سُھب ءَ کساس پنچ نیم ءَ پاکستانی پوج ءَ شال ءَ بیبگر ءِ لوگ سر ءَ بیڑبرتگ آ ءُ گوں برات ھمراھی ءَ زورانسری آوار جتگ ءُ بیگواہ کتگ-