ڈاکٹر ماہ رنگ ءُ سنگت یل کنگ نہ بیت اَنت سرجمیں بلوچستان ءَ بے مدت واستا بند کنگ بیت – بی وائی سی پریس کانفرنس

بلوچ یکجھتی کمیٹی ءِ راھشون ءَ پریس کانفرنس کنان ءَ گْوشتگ کہ ما جار جن ایں کہ مئے نندانک سریاب ھمے جاہ ءَ برجاہ بیت، ءُ دانکہ مئے لوٹ مّنگ نہ بنت، مئے زھرشانی برجاہ بیت-

آئی ءَ گْوشتگ کہ وھدے کہ نی ما ھکومت ءَ چہ تچک کنگ لوٹ ایں کہ ڈاکٹر ماہ رنگ بلوچ، بیبگر بلوچ ءَ ھوار سرجمیں دزگیریں سنگتاں زوت یل بہ کن اگاں ناں سرجمیں بلوچستان ءَ بے مدت ءِ واستا بند کن ایں ءُ اشی ءِ سرجمیں زمہ واری ریاست ءُ ھکومت سر ءَ بنت-

آیاں لوٹ کتگ کہ ڈاکٹر ماہ رنگ بلوچ ، بیبگر بلوچ ءَ ھوار سرجمیں دزگیریں کارکنانی زوت بے شرت ءُ شرائت ءَ یل بہ کن-

وھدے کہ سر ءُ دیم تیرگواری ءِ آسر ءَ درزنانی مردم ٹپی ءُ سے مردم شھید کنگ ھلاپ ءَ سروزیر بلوچستان سرفراز بگٹی ءُ آئی جی پولیس ءِ ھلاپ ءَ ایف آئی آر نکش کنگ بہ بنت ءُ بر ترپ کنگ بہ بنت-

دیمتر ءَ گْوشتگ کہ کمشنر شال ءُ ڈپٹی کمشنر شال ءَ زوت برترپ بہ کن اِت ءُ بلوچ سیاسی کارکنانی ھلاپ ءَ آسری کاروائیانی درچ ءَ زوت بند بکن اِنت ءُ سرجمیں دروگیں ایف آئی آر ءَ ھلاس بہ کن اِت-