بلوچ نی تئی داتگیں درشاناں دور شتگ، چہ ھپت دھکاں بلوچستان ءَ تاکت ءِ زور ءَ جنگ ءَ انت- ڈاکٹر ماہ رنگ بلوچ

بلوچ یکجھتی کمیٹی ءِ چیردستی ءَ شال سریاب جامعہ بلوچستان ءِ دیم ءَ بیبگر بلوچ، آئی ءِ برات ءُ دگہ بیگواھیں مردمانی یل نہ کنگ ءِ ھلاپ ءَ زھرشانی کنگ بیتگ-

بنداتی ءَ پولیس ءَ زھرشانی کنوکانی دارگ ءِ جھد کتگ بلے مھلوک ءِ مُچی ءَ پولیس پشتکنز بیتگ ءُ زھرشانی کنگ بیتگ-

ڈاکٹر ماہ رنگ بلوچ ءَ زھرشانی ءَ تران کنان ءَ گوشتگ مئے لوٹ اے ڈیھ ءُ آئین ءِ درچ ءَ انت بلے اے اے ڈیھ ءِ آئین ءُ کانون بس پوج ءِ کِسگ ءَ انت ءُ ترگ ءَ انت- مروچی مئے گھگیری بس ایوک ءَ پورسز ءَ گوں نہ انت بلکین پاکستان ءِ کانون سازیں ادارھانی گون ءَ انت آ پوج ءِ مستریں آلہ کار انت – ھمے ادارہ بیگواھیں مردماں پراپری گوش انت پد ءَ آیانی ژانگول کرتگیں لاشاں دور دے اَنت-

آئی ءَ گوشتگ مارا یکین انت بلوچ نی تئی درشانیاں چہ گوستگ گوستگیں ھپت دھکاں چہ بلوچستان ءَ تاکت زور ءَ جنگ ءَ انت-