ھُزدار : سرکاری پلامرزی سلاہ بندیں ٹولی ءِ ھاسیں کارمند ءِ سر ءَ بمب تراک

ھُزدار ءِ دمگ نال ءَ ھکومتی پلامرزی سلاہ بندیں ٹولی ڈیتھ اسکواڈ ءِ گاڑی ءِ سر ءَ تراک، دو مردم بیران ھپت ٹپی بیتگ اَنت-

گیشیں ھالانی رِد ءَ ھُزدار ءِ تھسیل نال ءَ ناشناسیں مردمانی نیمگ ءَ چہ ڈیتھ اسکواڈ ءِ ھاسیں کارمند صمد سمالانی ءِ گاڑی سر ءَ بمب تراکے بیتگ چریشی ءِ آسر ءَ دو مردم بیران ءُ پنچ ٹپی بیتگ اَنت – وھدے کہ آ وت اُرش ءَ رکّ اِتگ-

بیران بیتگیں مردمانی تہ ءَ عبیداللہ ء لعل بخش ءُ منیر احمد ء عبدالغنی ھوار اَنت-

ھُزدار ءِ انتزامیہ ءَ یک کارمندے ءَ وئیل راست کتگ گْوشتگ کہ صمد سمالانی وتی گاڑی ءَ ویلڈنگ دکان ءَ شر کنگ ءَ بیتگ کہ ھمے وھدے گاڑی تہ ءَ ایر کتگیں شورواں چہ تراک بیتگ چریشی ءِ آسر ءَ دو مردم بیران ءُ پنچ ٹپی بیتگ اَنت-

ڈپٹی کمشنر ھُزدار یاسر اقبال دشتی ءَ گْوشتگ کہ وئیل ءَ پد زوت لیویز وئیلجاہ ءَ سر بیتگ ءُ آس کشوکیں گاڑی شتگ ءُ آس کُشتگ-

ڈپٹی کمشنر رِد ءَ ٹپّیانی تہ ءَ یک ٹراما سینٹر ءَ برگ بیتگ وھدے کہ دگہ دمگی نادُراھجاہ ءَ برگ بیتگ ءُ آ ھُزدار ءَ آرگ ءَ چن ءُ لانچ کنگ بیگ ءَ اِنت-