گوادر ءُ شال ءَ دو مردم زورانسری آوار جنگ ءُ بیگواہ کنگ بیتگ اَنت

بلوچستان ءِ دو جتاجتائیں دمگ شال ءُ گوادر ءَ پاکستانی پوج ءُ چیریں ادارھانی کارمنداں زورانسری آوار جتگ ءُ بیگواہ کتگ اَنت-

گیشیں ھالانی رِد ءَ مروچی سُھب ءَ بلوچستان ءِ تیاب دپی شھر گوادر ءِ تھسیل جیونی ءِ ھند چہ پانوان ءَ گاڑی سواریں سلاہ بندیں مردماں یک ورنایے آوار جتگ ءُ گوں وت برتگ-

آوار جنگ بیتگیں ورنا ئے پجّار ھپدہ سالی ئیں ورنا حسرت برکت نام ءَ چہ بیتگ-

ھمے وڑ بلوچستان ءِ بُنجاھی شھر شال ءَ پاکستانی پوج ءَ یک مردمے آوار جتگ ءُ بیگواہ کتگ-

بیگواہ کنگ بیتگیں مردم ءِ پجّار ندیم ء محمد امین نام ءَ چہ بیتگ کہ مشکے گورجک ءِ جھمنند اِنت-

اِھوالکار رِد ءَ گوستگیں شپ ءِ ساھت یک ءُ دو میان ءَ چیریں ادارھانی کارمندانی وردیانی تہ ءَ بیتگ اَنت ءُ ندیم بلوچ زورانسری چہ عیسیٰ نگری شال ءَ بیگواہ کتگ –

ندیم درگت ءَ گوشگ بیگ ءَ اِنت کہ سیکنڈ ایئر ءِ نودربرے-

دومی نیمگ ءَ گوستگیں شپ ءَ پوج ءَ شال ءِ دمگ کلی قمبرانی انگیر ءَ کتگ لوگانی سر ءَ بیڑبرتگ، ھمے میان ءَ زالبولاں ھوار دگرانی سر ءَ زوراکی کتگ-

بلے اے میان ءَ ھچ وڑیں دزگیری ھال سر نہ بیتگ-