تربت یونیورسٹی ءِ انتزامیہ بک اسٹال ءِ دیم ءَ اڑانک

بساک ءَ را ‘ کتاب کاروان ’ ءِ درچ ءَ تربت یونیورسٹی ءَ اسٹال ءِ جنگ ءِ اجازت دیگ نہ بیتگ،نودربراں گھگیری کتگ ءُ اسٹال برجم کتگ-

بلوچ اسٹوڈنٹس ایکشن کمیٹی ءِ بک اسٹال ‘ کتاب کاروان ’ ءِ درچ ءَ مروچی پشمبے ءِ روچ ءَ تربت یونیورسٹی ءِ انتزامیہ ءَ نودربر بک اسٹال ءِ جنگ ءِ داشتگ انت ءُ سیکورٹی ءِ زور ءَ گیٹ اش بند کتگ-

بساک ءِ جارکش ءِ رد ءَ سیکیورٹی ءِ کارندہ ءِ گون ءَ گھگیری ءُ گپ ءُ رپ ءَ پد نودربر اسٹال جنگ ءَ اجازت دیگ بیتگ اَنت-

زانگ بہ بیت بساک ءِ نیمگ ءَ اے سال ءِ بندات ءَ سرجمیں بلوچستان ءَ ‘ کتاب کاروان ’ ءِ نام ءَ کتاب میڑہ ءِ درچ بندات کتگ – چریشی ءَ نودربراں بازیں جاھاں گھگیری ءِ دیمپانی کنگ کپگ انت- گوادر ےَ نودربر گوں کتاباں دزگیر کنگ ءُ آیانی ھلاپ ءَ ایف آئی آر نبشتگ کنگ بیتگ اَنت-