کیچ: بیگواھیں مردم ءِ کھول ءَ ایم ایٹ شھدگ ءَ نندانک داتگ

بلوچستان ءِ دمگ کیچ ءَ بیگواھیں شاہ جان ءِ یل نہ کنگ ءِ ھلاپ ءَ کھول ءَ جدگال ڈن ( ڈی بلوچ پوائنٹ) ءَ مروچی دوبر نندانک دیگ ءِ جار جتگ-

گیشیں اھوالانی رد ءَ شاہ جان ءِ کھول ءَ گوشتگ مارا مئے زھگ ءِ یل کنگ ءِ کَول انتزامیہ ءَ کتگ کہ زوت یل دیگ بیت اِنت چریشی ءَ چہ ما وتی زھرشانی ھلاس کتگ بلے اے کول ءُ زبان ھلاس بیتگ شاہ یل نہ بیتگ-

آیاں گوشتگ مروچی انتزامیہ ءِ داتگیں مھلت ءِ ھلاس بوگ ءِ پژدر ءَ دوبر جدگال ڈن ءَ ایم ایٹ شھدگ ءَ بند کنگ ءَ لاچار انت –

کھول ءَ گوشتگ دانکہ شاہ یل نہ بیت انت زھرشانی برجاہ بیت اِنت-