آواران ءُ کیچ ءَ ھشت جتاجتائیں اُرشانی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں آواران ءُ کیچ ءَ زورگریں پاکستانی پوج، پولیس تھانہ ءُ لیویز چوکیاں ھشت جتاجتائیں اُرشاں نشانگ کتگ کارمندانی سلاہ دستیگ کتگ اَنت، وھدے کہ ریسٹ ھاؤس ءُ موباھل ٹاور مانداشتگ اَنت-

جارکش ءَ گْوشتگ کہ سرمچاراں گوستگیں بیگاہ پنچ ءَ آواران ءِ دمگ مالار مچی ءَ برجاھیں زورگریں پاکستانی پوج ءِ بُنجل مزنیں سلاھاں چہ اُرش ءِ نشانگ کتگ چریشی ءِ آسر ءَ یک کارمندے یے مرتگ ءُ دو ٹپی بیتگ اَنت-

جارکش ءَ گْوشتگ کہ دگہ اُرشے سرمچاراں شانزدہ فروری ءِ شپ دہ ءَ مشکے ءِ دمگ گجر ءَ برجاھیں زورگریں پاکستانی پوج ءِ بُنجل راکٹ لانچر ءُ دگہ نوکیں سلاھاں چہ اُرش کتگ، اُرش ءَ بازیں کارمندے یے مرتگ ءُ ٹپی بیتگ اَنت-

جارکش ءَ دیمتر ءَ گْوشتگ کہ اُرش ءَ پد زورگریں پوج ءَ لَس آبادیانی سر ءَ تیرگواری کتگ ءُ آ سک لَٹ ءُ کُٹانی نشانگ کتگ اَنت کہ زورگریں پوج ءِ ُپروش ورگ ءِ نشانی اِنت-

جارکش میجر گْوھرام بلوچ ءَ گْوشتگ کہ مئے سرمچاراں پانزدہ فروری ءَ مشکے ءِ دمگ گجر ءَ لیویز چوکی سر ءَ اُرش کتگ، اُرش ءَ سرمچاراں لیویز کارمنداں دزگیر کتگ ءُ چہ آیاں سرکاری سلاہ ءُ دگہ سامان دستیگ کتگ اَنت – وھدے کہ کارمند کڈن کنگ ءَ پد یل داتگ اَنت-

جارکش ءَ گْوشتگ کہ ھمے روچ ءَ دگہ ھندے سر ءَ مشکے پولیس تھانہ سر ءَ سرمچاراں اُرش کتگ، اُرش ءَ سرمچاراں تیرگواری کتگ تھانہ تاوان داتگ – وھدے کہ پولیس کارمند ھچ وڑیں تاوان نداتگ اَنت-

جارکش ءَ گوشتگ وھدے کہ سرمچاراں مشکے ءِ دمگ کلر ءَ یک سرکاری ریسٹ ھاؤس ءُ یک یوپون موباھل ٹاورے تیرگواری کتگ ءُ مانداشتگ ءُ تباہ کتگ-

جارکش ءَ گوشتگ دگہ یک اُرشے ءَ سرمچاراں شانزدہ فروری ءِ شپ ءَ کیچ ءِ دمگ گورکوپ ءَ برجاھیں پوج ءِ بُنجل بازیں گرنیڈ لانچر ءِ گولہ آس داتگ کہ بُنجل ءِ تہ ءَ کپتگ اَنت چریشی ءِ آسر ءَ پوج ءَ جانی ءُ مالی تاوان چست کنگ کپتگ-

جارکش ءَ گوشتگ اُرش ءَ پد زورگریں پوج ءَ لس آبادیانی سر ءَ بازیں مارٹرے آس داتگ بلے بلوچ سرمچار اُرش ءَ پد مُھریں ھنداں سر بیتگ اَنت-

جارکش ءَ گُڈی ءَ گوشتگ کہ بی ایل ایف اے سرجمیں اُرشانی زمہ واری ءَ منّ اِیت ءُ بلوچستان ءِ وتواجھی ءُ زورگریں پوج ءِ سرجمی ءَ داراھگ ءَ تاں وتی اُرشاں برجاہ دارگ اِھد کنت-