بلوچ یکجھتی کمیٹی ءِ جارکش ءَ گْوشتگ کہ بلوچستان ءَ ھاسکار مکران ءَ جاور تُرسناک اَنت- یک چُشیں روچے ھم نہ گوز اِیت کہ وھدے کسے بلوچے ءِ لاش دز نہ کپ اِیت- ٹارگٹ کلنگ، آوار جنگ، ءُ نودربر، اسکالرز ءُ اد ءَ تاں ھژدہ سال ءَ چہ کم اُمریں ورنایانی کوش تہ ءَ گیشی اَتکگ- اللہ داد بلوچ، عبدالواحد، حاتم علی، حیات سبزل ءُ معراج بلوچ نشانگ کنگ ریاست ءِ کوشت ءُ کوش ءِ پالیسی یکرندے پد ءَ پدر کنت- یک زانشتی شریف ذاکر ھم باز رند ءَ ڈیتھ اسکواڈ نشانگ کتگ-
آئی ءَ گْوشتگ کہ گوستگیں روچ ءَ کیچ ءِ دمگ چہ تمپ ءَ سیادی داروکیں شانزدہ سالی ئیں معراج ء عبدالقادر روچ رھماں ڈیتھ اسکواڈ کارمنداں تیر جتگ ءُ کُشتگ-
آئی ءَ گْوشتگ کہ اے وئیل یکیں نہ اِنت بلکیں ریاستی سروکی ءَ بیؤکیں ناشرکاری ءُ گھگیری لپاشگ ھاتر ءَ مُچی سزا ءِ یک بھرے- پاکستانی پوج ءُ آئی ءِ سروکی ءَ دمگی ڈیتھ اسکواڈز آیانی جنگی جرماں کنگ ءَ اَنت- شعور ءُ وانندھیں بلوچ اشانی اولی نشانگ اَنت-
بلوچ یکجھتی کمیٹی بلوچ بلوچ ورنایاں ءُ چُکاں اے وڑ بے رھمی ءَ کوش ءِ گھگیری کنگ اِھد کنت- بلوچ راج ءَ ھرچ کوش سر ءَ اوشتگ اِنت ءُ توار چست کنگی اِنت ءُ دُرستاں چہ بُنکی ھک زندمان ‘ لوٹ کنگ لوٹ اِیت میانی استمانی ءُ انسانی ھکانی گل وتی چمّاں پچ بہ کن چارگی اِنت کہ بلوچستان ءَ کجام وڑ ءَ چُکچینی کنگ بیگ ءَ اِنت-