بلوچستان ءِ دمگ مستونگ ءَ ورنا ءِ زورانسری بیگواھی ءِ ھلاپ ءَ کھول ءَ زھرشانی نندانک دیان ءَ کراچی ءُ شال ءِ بنجاھی شھدگ بند کتگ-
اھوالانی رد ءَ پشمبے ءِ روچ ءَ مستونگ ءِ ھند میجر چوک ءِ نزیک ءَ بیگواہ کنگ بیتگیں عزیز آباد ءِ جھمنندیں ورنا کامران ء ھاجی میف اھمد مھمد شھی ءِ یل کنائینگ ءِ ھاتر ءَ کھول ءُ سیاداں ءُ مھلوک ءَ شال ءُ کراچی ءِ بنجاھی شھدگ نواب ھوٹل ءِ ھند ءَ زھرشانی نندانک داتگ ءُ نشتگ انت-
زانگ بہ بیت ورنا ءِ پت ءَ گوستگیں روچ ءَ تامربندے شنگ کنان ءَ دزبندی کتگ ءُ گوشتگ منی زھگ ءَ یل بہ کن ات ءُ اگاں یل نہ بیت گڑا دگ ءَ زھرشانی کن ایں ءُ بند کن ایں- یل نہ کنگ ءِ پژدر ءَ مروچی آیاں دگ بند کتگ ءُ نندانک ءَ نشتگ انت-