ھب : زورانسری بیگواہ عادل بلوچ اگاں چل ءُ ھشت کلاکانی تہ ءَ یل کنگ نہ بیت گُڑا شھدگ ءَ بند کن ایں- کھول

لسبیلہ پریس کلب ھب ءَ زورانسری بیگواھیں عادل بلوچ ءِ یل کنائینگ ھاتر ءَ کھول ءَ پریس کانفرنس کنان ءَ گْوشتگ کہ اگاں چل ءُ ھشت کلاکانی تہ ءَ عادل احمد یل کنگ نہ بیت گُڑا بُنجاھی آر سی ڈی دگ سر ءَ نندانک دے ایں تُرندیں زھرشانی کنگ بیت-

گیشیں ھالانی رِد ءَ زھری ھُزدار ءِ جھمنندیں ورنا عادل احمد بلوچ ء منیر احمد ءِ کھول ءَ ھب ءَ پریس کانفرنس کنان ءَ گْوشتگ کہ آ شش فروری 2025 ءَ ھب اٹک پمپ ءِ نزیک ءَ پاکستانی پوج ءَ چست کتگ ءُ بیگواہ کتگ انگت بیگواہ اِنت-

پریس کانفرنس ءَ عادل احمد بلوچ ءِ گْھار بی بی ریھانہ ءِ گوم ءَ ماہ زیب بلوچ ءُ بی ایس او ءِ گوستگیں چیئرمین عمران بلوچ ھم ساڑی بیتگ-

آیاں گْوشتگ کہ چل ھشت کلاکانہ تہ ءَ عادل احمد یل کنگ نہ بیت گُڑا بھوانی ءَ بُنجاھی آر سی ڈی شھدگ سر ءَ نندانک دے ایں تُرندیں زھرشانی کن ایں-