بلوچی زبان ءِ نامداریں شائر نمیرانیں مبارک قاضی ءِ شیئرانی انگریزی رجانک ایوری ورس فور یو (Every Verse for You) چہ بلوچستان اکیڈمی تربت ءِ نیمگ ءَ چاپ ءُ شنگ بوتگ –
مبارک قاضی ءِ اے کتاب فضل بلوچ ءَ انگریزی ءَ رجانک کتگ –
بلوچستان اکیڈمی ءِ رِد ءَ اے کتاب ءِ تہ ءَ “زرنوشت”ءَ بہ گر داں “گس ءَ واتر کنگ لوٹاں” قاضی ءِ دہ کتاباں چہ یک سدء دہ (۱۱۰)لچہ، لھتیں دستونک ءُ دستوُکانی گچینی ایں شیئر رجانک کنگ بوتگ انت –
آئی ءِ رِد ءَ اے کتاب ءِ پیشگال انگریزی زبان ءِ نامی ئیں شائر ءُ کواس حارث خلیق ءَ نبشتہ کتگ۔