گوادر ءُ پیدارک ءَ پاکستانی پوج سر ءَ بیتگیں اُرشا ی زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں گوادر ءُ پیدارک ءَ زورگریں پاکستانی پوج دو جتاجتائیں اُرشاں نشانگ کتگ چریشی ءِ آسر ءَ پوج ءَ جانی ءُ مالی تاوان چست کنگ کپتگ-

جارکش ءَ گْوشتگ کہ سرمچاراں گوستگیںِ شپ ءَ مگرب ءَ رند گوادر ءَ شمبے اسمائیل کبرستان ءِ نزیک ءَ زورگریں پاکستانی پوج ءِ کارمنداں ھما وھد ءَ دستی بمب اُرش ءَ نشانگ کتگ اَنت وھدے آ پرپٹ سر ءَ گشت کنگ ءَ بیتگ اَنت- چریشی ءَ آیاں جانی ءُ مالی تاوان چست کنگ کپتگ-

جارکش ءَ گْوشتگ کہ اُرش ءَ پد زورگریں پوج ءَ چو مدامی وڑ ءَ لَس مھلوک لَٹ ءُ کُٹانی نشانگ کگ اَنت، بلے بلوچ سرمچار دراھگ ءَ سوبمند بیتگ اَنت-

جارکش ءَ گْوشتگ کہ دگہ یک اُرشے ءَ سرمچاراں گوستگیں بیگاہ ءِ پنچ ءَ پیدارک ءُ گورکوپ ءِ میانی کراس سر ءَ برجاھیں زورگریں پوج ءِ بُنجل اُرش ءِ نشانگ کتگ، سرمچاراں بُنجل ءِ سر ءَ بازیں گرنیڈ لانچر ءِ گولہ آس داتگ کہ بُنجل ءِ تہ ءَ کپتگ اَنت چریشی ءِ پوج ءَ جانی ءُ مالی تاوان ءِ دیمپانی کنگ کپتگ-

جارکش ءَ گْوشتگ کہ بلوچستان لبریشن فرنٹ دوئیں اُرشانی زمہ واری ءَ منّ اِیت- مئے اُرش بلوچستان ءِ سرجمی آجوئی ءُ پوج ءِ سرجمی ءَ دراھگ ءَ تاں برجاہ بیت-