پروم : پاکستانی پوج سر ءَ بیتگیں اُرش زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں زورگریں پاکستانی پوج ءِ چوکی سر ءَ اُرش کتگ جانی ءُ مالی تاوان داتگ اَنت-

جارکش ءَ گْوشتگ کہ مئے سرمچاراں مروچی سیزدہ فروری ءَ یک نیم ءَ پنجگور ءِ دمگ پروم ءَ کلیری ءِ ھند سر ءَ برجاھیں زورگریں پاکستانی پوج ءِ چوکی ءِ سر ءَ دوئیں نیمگاں چہ نوکیں ءُ مزنیں سلاھاں چہ نشانگ کتگ اَنت چریشی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گْوشتگ اُرش ءَ پد پوج ءَ بازیں مارٹر آس داتگ ءُ تُرندیں تیرگواری کتگ بلے سرمچار پہ سلامتی وتی مُھریں اوتاکاں سر بیتگ اَنت-

جارکش ءَ گْوشتگ بلوچستان لبریشن فرنٹ اے اُرش زمہ واری ءَ منّ اِیت ءَ مئے اُرش بلوچستان ءِ وتواجھی ءُ زورگریں پوج ءِ سرجمی ءَ تاں برجاہ بنت-