گوستگیں شپ ءَ عبدوئی ءَ دُزانی دست ءَ ٹپی ءَ پد نادُراھجاہ تربت ءَ نادُراھجاہ ءَ بیران بیوکیں بگ میری ءِ جھمنند حاتم علی ء گوستگیں لیویز کاردار رحیم بخش ءَ گْوشتگ کہ دمگی انتزامیہ ءَ وئیلجاہ ءَ نہ شتگ، نانکہ میاربارانی رندگیری کتگ ءُ نانکہ انتزامیہ ءَ ایف آئی آر نکش کنگ مئے گور ءَ اَتکگ اَنت-
آئی ءَ گْوشتگ کہ وتی زندمان ءِ تہ ءَ چل سال ءَ اے فورس ءَ گوازینتگ، ھمے ھاتر ءَ بے ھساسی ءَ چہ لاچر بیتگ زھرشانی ءِ ھاتر ءَ وتی چُک میت تربت ءَ آورتگ-
کھول رِد ءَ حاتم رحیم ٹپی ئیں جاوراں گوستگیں شپ ءَ نادُراھجاہ ءَ آورتگ بلے اود ءَ شریں الاج ءِ آسراتی دز نہ کپتگ-
آیاں گوشتگ کہ اے وئیل بازیں کلاکاں گوزگ ءَ پد بلے انتزامیہ تنی وھدے کُتکار دزگیر کنگ بیتگ اَنت نانکہ وئیلجاہ ءَ شتگ اَنت-
آئی ءَ گْوشتگ کہ بے ھساسی ءِ ھد اِنت یک بے میاریں ورنایے کشتگ بلے انتزامیہ میاربارانی دزگیر کنگ ھاتر ءَ سنجیدگ نہ اِنت- پد ءَ دمگی انتزامیہ ءَ گوں گپ دیوان ءَ پد کھول ءَ زھرشانی ھلاس کتگ-
بلیدہ ءِ دمگی مردماں وئیل ایر جتگ گوشتگ کہ دمگ ءَ سرکاری پلامرزی سلاہ بندیں مردم بے مھار اَنت ھمکروچ اے وڑیں وئیل دیم ءَ آیگ ءَ اَنت-
دمگی مردمانی رِد ءَ دمگ ءَ دُزی ءُ کُشت ءُ کوش ءَ سرکاری ٹولی ھمگرنچ اَنت چریشی ءِ سبب ءَ دمگی انتزامیہ آیانی دیم ءَ بے وس اَنت-