بلوچستان ءِ تیاب دپی شھر گوادر ءَ پاکستانی لشکر ءِ دست ءَ زورانسری بیگواہ کنگ بیتگیں مسلم بلوچ ءِ یل کنائینگ ھاتر ءَ کھول ءِ نیمگ ءَ چہ روانک کشگ بیتگ- روانک ءَ زالبول ءُ چُکاں اَبید ورنایانی مزنیں کچے ءَ ھوار بیتگ اَنت کہ زورانسری آوار جنی ءِ ھلاپ ءَ نارہ جتگ-
کھول ءَ گْوشتگ کہ مسلم ء احمد علی دہ دسمبر دوھزار بیست چار ءَ شمبے اسماعیل، گوادر ءَ آئی ءِ لوگ ءَ چہ پاکستانی پوج ءِ آوار جتگ ءُ زورانسری آوار جنی ءِ نشانگ کتگ اَنت- آ انگت بیگواہ ءَ اِنت-
آئی ءِ کھول ءَ آئی ءِ زوت یل کنائینگ لوٹ کتگ- آیاں گْوشتگ کہ مسلم بلوچ ءَ ھوار کجام ھما مردم ریاست ءِ نگاہ گناھگار اِنت گُڑا آیاں کانود رِد ءَ آمیدگس ءَ پیش بہ کن اِت، بلے ریاست رویشگ ءَ چہ تھنا پدر بیت کہ زورانسری بیگواھیں مردم بلوچ بیگ سبب ءَ آزارجاھاں بندیگ اَنت کہ آیاں ریاست دیم آرگ جاہ ءَ سالانی سال بیگواہ اَنت لُٹ ءُ کُٹانی نشانگ کن اَنت-
روانک ءَ ھواریں مردماں گْوشتگ کہ زورانسری آوار جنی ءِ درچ بند کنگ بلوچ ماتانی سسّائی درد ءُ رنجاں چہ بہ رکن اِت-