اھوالانی رد ءَ تربت ءَ بندیگجاہ ءَ بالاچ مولابخش ءِ کوش ءَ نامینتگیں کوشکار دیمروئی دیگ بیتگ-
بلوچ اھوالکار کیا بلوچ ءَ گوشتگ وھدیکہ سی ٹی ڈی ءِ آفسر عادل عامر کہ آئی ءَ نومبر 2023 ءَ تربت ءَ بالاچ مولابخش ءِ کشگ ءِ ھکم داتگ بیتگ چریشی ءِ سبب ءَ اسلام آباد ءَ یک ماھے ءِ وھد ءَ نندانک دیگ بیتگ، آ گریڈ 18 ءَ دیمروئی دیگ بیتگ-
زانگ بہ بیت بلوچستان ھائی کورٹ ءَ نومبر 2023 ءَ عادل ءَ ھوار سی ٹی ڈی ءِ چار کارندھانی درکنگ ءِ ھکم داتگ بیتگ-
انسانی ھکانی باسک ءُ وکیل ایمان مزاری ءَ لیکہ دیان ءَ گوشتگ ھما کارندہ بلوچانی ھونریچی ءَ کنگ ءَ انت آئی ءَ اے ناشریں ریاست ھروھد ءَ دیمروئی ءُ پھریز ایت-
آئی ءَ گوشتگ اے ڈولیں کاتل اے وڑیں ناشریں ریاست ءِ گچینی مردم بنت انت ءُ بلوچ نسل کشی ءِ پالیسی انت-