زھری بازار ءَ سلاہ بندیں مردماں لیویز ءِ پٹ ءُ پولکارین آفسر ءَ ھوار دو مردم توپک ءِ زور ءَ آوار جتگ انت-
گیشین اھوالانی رد ءَ گوستگیں شپ ءَ بلوچستان ءِ دمگ ھزدار ءِ ھند زھری ءِ بنجاھی بازار ءَ سلاہ بندیں مردماں لیویز ءِ پٹ ءُ پولکارین آفسر عبدالحفیظ ءُ یک شھری، حفیظ مغل زورانسری گون وت برتگ انت-
دمگی مردمانی رد ءَ آوار جنوکانی پجار انگت نہ بیتگ ءُ وئیل ءِ درگت ءَ پولیس ءِ نیمگ ءَ انگت ءَ دگہ گامگیج دیم ءَ نیتکگ انت-
اے گپ دلگوشدارگی انت کہ گوستگیں ماہ ءَ ھمے ھند ءَ بلوچ لبریشب آرمی ءِ سرمچار بازیں کچے ءَ دمگ ءَ سر بیتگ انت ءُ بازیں اداراں داں شھر اش وتی کنٹرول ءَ کتگ ءُ ھمے وھد ءَ آیاں لیویز تھانہ، نادرا آفس ءُ سرکاری ماڑی مانداشتگ انت-
بی ایل اے ءِ رد ءَ زھری ءِ آپریشن آیانی ‘آپریشن ھیروپ ’ ءِ دومی بھر ءِ تک بیتگ کہ ایشی ءَ شھر ءِ سر ءَ کنٹرول کنگ ھیلکاری بیتگ ءُ گل ءَ گیشیں ارشانی کنگ ءِ بیھار داتگ-
اے اُرش ءِ زمہ واری داں انگت ءَ کس ءَ پہ وت ءَ نہ زرتگ-