بلوچستان ءِ دمگ کیچ ءِ ھند زامران ءَ پاکستانی پوج ءِ لشکر کشی ششمی روچ ءَ ھم برجاہ ءَ اِنت-
پاکستانی پوج زامران ءِ جتاجتائیں دمگاں پوجی لشکر کشی ءَ دلگوش اِنت کہ اود ءَ جھلی پوج پیشگامی کنگ ءَ اِنت وھدے کہ تیرگوار ءُ دگہ بالگرد ھم بھر زیرگ ءَ اَنت-
دمگی اِھوالکار رِد ءَ زامران ءِ جتاجتائیں دمگاں ھیلی کاپٹراں چہ شیلنگ کنگ بیتگ-
تنی وھدے ھچ وڑیں دزگیری یا جانی تاوان درگت ءَ ھچ وڑیں ھال سر نہ بیتگ وھدے کہ واکدار نیمگ ءَ چہ ھچ وڑیں درشان شنگ کنگ نہ بیتگ-