کیچ ءِ دمگ تمپ ءَ گوستگیں شپ ءَ پاکستانی پوج ءَ بلوچی زبان ءِ آشوبی گشندہ استاد منھاج مکتار ءِ لوگ ءِ سر ءَ بیڑ برتگ ءُ تیرگواری کتگ-
اھوالانی رد ءَ گوستگیں شپ ءِ ساھت یک ءَ پاکستانی پوج ءُ ڈیتھ اسکواڈ ءِ کارندھاں تمپ کُنشکلات ءَ بلوچی زبان ءِ آشوبی گشندہ استاد منھاج مکتار ءِ لوگ ءِ سر ءَ بیڑ برتگ ءُ اود ءَ لوگ ءِ سر ءَ تیرگواری کرتگ ءُ یک دزبمبے چگل داتگ-
وئیل ءَ لوگ ءِ دروازگ ءُ دریگاں تاوان رس اتگ بلے دگہ جانی تاوانانی اھوال نیست-
زانگ بہ بیت چِد ءُ پیش بلوچی زبان ءِ آشوبی گشندہ منھاج مکتار ءِ لوگ پوج ءُ ڈیتھ اسکواڈ ءَ نشانگ کتگ بیتگ انت-