کیچ ءِ دمگ دشت ءَ پاکستانی پوج ءِ بُنجل سر ءَ سلاہ بندیں مردماں دوشی اُرش ءِ نشانگ کتگ-
اِھوالکار رِد ءَ گوستگیں شپ ءَ بل نگور دشت ءَ برجاھیں پاکستانی پوج ءِ بُنجل سر ءَ سلاہ بندیں مردماں اُرش کتگ، اُرش ءِ میان ءَ کش گوراں تیرگواری ءُ تُرندیں تراکانی توار اش کنگ بیتگ ، ءُ وئیل ءَ پد دمگ ءَ پوج ءِ سُر ءُ پُرانی تہ ءَ گیشی گندگ اَتکگ-
اُرش ءِ درگت ءَ تنی وھدے پوج ءُ دمگی انتزامیہ نیمگ ءَ ھچ وڑیں درشان شنگ کنگ نہ بیتگ ءُ اُرش زمہ واری ھم انگت ھچ گل ءَ نہ زُرتگ-