بلوچستان ءِ دمگ کیچ ءَ سلاہ بندیں مردمانی تیرگواری ءَ چہ یک مردمے بیران بیتگ-
کُشگ بیتگیں مرد ءِ پجّار جلال ء رفیق نام ءَ چہ بیتگ-
اِھوالکار رِد ءَ اے مرد سرکاری پلامرزی کنوکیں ٹولی ءِ کارمنداں تیرگواری کتگ کُشتگ-
زانگ بہ بیت کہ بلوچستان ءَ راجدوستیں پارٹی بھتام جنت کہ پاکستانی پوج ءَ سرجمیں بلوچستان ءَ سلاہ بندیں ٹولی جوڑ کتگ کہ آ ڈیتھ اسکواڈ نام ءَ چہ زانگ بنت-
راجدوستاں بھتام جتگ کہ اے ٹولی پاکستانی پوج ءَ بلوچ راجی زرمبشت ءَ ایرموش کنگ ھاتر ءَ جوڑ کتگ – ھما مردماں کُشگ ءُ بیگواہ کنگ واستا تچکی ءَ ھمگرنچ اَنت آیاں پاکستانی پوج ءَ سرجمی ءَ بے لگام کتگ اَنت-