تربت ءَ بمب تراک ءَ سینئر سپرنٹنڈنٹ آف پولیس ( ایس ایس پی) زوھیب مھسن زدگ بیتگ-
بلوچستان ءِ سرکار ءِ جارکش شاھد رند ءَ راست کنان ءَ گوشتگ ایس ایس پی مھسن کمے کساس ءَ زدگ بیتگ ءُ درمانی ءَ نزیکیں ھسپتال ءَ برگ بیتگ-
زانگ بہ بیت مروچی بلوچ لبریشن آرمی ءِ مجید بریگیڈ یونٹ ءَ پاکستانی پوج ءِ یک کاروانے ءِ سر ءَ اُرش کتگ ات کہ اود ءَ بازیں کساسے ءَ جانی تاوانانی اھوال بیتگ انت-
دومی نیمگ ءَ ایف سی ءِ بروکیں بس سرجم ءَ تباہ بیتگ ءُ آئی ءِ سواریں کارندھانی مرگ ءِ اھوالانی گمان بیتگ-
پولیس ءِ رد ءَ ایف سی ءِ بس وتی بنجل ءِ نیمگ ءَ روگ ءَ بیتگ کہ ڈنک ءَ قومی پمپ ءِ نزیک ءَ بمبے ءِ نشانگ کنگ بیتگ-
دومی نیمگ ءَ بلوچستان ءِ اڑوکی سرکار ءِ سروزیر سرفراز بگٹی ءَ ترِت ءَ بیتگیں وئیل ایر جتگ-