بلوچستان ءِ دمگ کیچ ءِ ھند گورکوپ ءِ کش گوراں پاکستانی پوج ءِ مزنیں کچے ءَ لشکر کشی کنگ ءَ اِنت-
دمگی اِھوالکار رِد ءَ مزنیں کچے ءَ گاڑیاں ھمگرنچ پوج ءِ کارمند دمگ ءَ پیشگامی کنگ ءَ اِنت وھدے کہ ڈرون بالگردانی بُرز بالی ھم برجاہ ءَ اِنت-
زانگ بہ بیت اے دمگ ءَ گوستگیں روچ ءَ پاکستانی پوج ءِ یک گاڑی یے آئی ای ڈی اُرش ءَ نشانگ کنگ بیتگ- تراک ءَ پد دمگ ءَ پوجی بالگرد ھم گندگ بیتگ اَنت-
اے اُرش ءِ زمہ واری بلوچ لبریشن آرمی ءَ منّ اِتگ – گل ءِ جارکش جیئند بلوچ ءَ درشان ءِ تہ ءَ گْوشتگ کہ ریموٹ کنٹرولڈ آئی ای ڈی اُرش ءَ پاکستانی پوج ءِ گاڑی ءِ سرجم ءَ تباہ بیتگ وھدے کہ اشی ءَ سوار سرجمیں پنچ کارمند جاہ پہ جاھی مرتگ اَنت-