گورکوپ ءَ آئی ای ڈی اُرش ءَ پاکستانی پوج ءِ پنچ کارندہ کشتگ انت- بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ گوستگیں روچ ءَ کیچ ءِ دمگ گورکوپ ءَ زورگریں پاکستانی پوج ءِ یک گاڑی یے آئی ای ڈی ءِ نشانگ کتگ ءُ دشمنیں پوج ءَ جانی تاوانانی دیمیانی بیتگ-

جارکش ءَ گوشتگ بی ایل اے ءِ سرمچاراِ جمک ءِ ھند ءَ روچ ءِ ساھت دوازدہ ءَ زورگریں پوج ریموٹ کنرولڈ آئی ای ڈی ءِ نشانگ کتگ- چریشی ءِ آسر ءَ گاڑی ءَ سواریں پنچ کارندہ جاہ پہ جاہ ءَ مرتگ انت ءُ گاڑی تباہ بیتگ-

جارکش ءَ گوشتگ دگہ یک اُرشے سرمچاراں گوستگیں روچ ءِ سھب ءَ مستونگ ءِ ھند اسپلنجی مَرو ءِ نزیک ءَ آپریشن ءِ نام ءَ پیشگامی کنوکیں پاکستانی پوج ءُ آئی ءِ وتگڑیں ڈیتھ اسکواڈ ءِ کارندھانی سر ءَ اُرش کتگ- چریشی ءَ دشمن ءَ جانی تاوانانی دیمپانی بیتگ-

جیئند بلوچ ءَ گوشتگ بلوچ لبریشن آرمی اے اُرشانی زمہ واریاں من ایت ءُ بلوچستان ءِ آجوئی ءَ داں مئے اُرش برجاہ بنت اِنت-