روکپتی بلوچستان ءَ سیادی داروکیں دو بلوچ ماں اسپھان ءِ زندان ءَ پاھو دیگ بیتگ انت –
اھوالانی رد ءَ اسپھان ءِ زندان ءَ دو مردم نشہ واپاری ءِ بھتام ءَ پاھو دیگ بیتگ اَنت-
پاھو دیگ بیتگین مردمانی پجار کوروس نارویی پنام ءِ کوروش ء شھبیک خان جھمنند نسرت آباد زاھدان، اھمد براھوئی ء رھمت اللہ جھمنند ھامون لوتک ءِ ناماں زانگ بیتگ اَنت-
اھوالانی رد ءَ اھمد ھپت سال پیش سپر ءِ وھد ءَ اسپھان ءَ گرگ بیتگ ءُ پد ءَ آئی ءِ سر ءَ نشہ باپاری ءِ بھتام بیتگ ءُ آمیدگس ءَ گوستگیں دو روچ پیش جتائیں کوٹی ءَ برگ ءُ پاھو ءِ دیگ ءِ ھکم داتگ-
کوروس ھم شش سال ساری اسپھان ءَ نشہ ءِ برگ ءِ بھتام ءَ دزگیر کنگ بیتگ ءُ پد ءَ داد گاہ ءِ انکلاب پاھو ءِ سزا داتگ-
اھوالانی رد ءَ شمبے ءِ روچ ءَ کوروس ءِ کھول ءَ گڈی گندوک کتگ بیتگ-