بلوچستان : دو مردم زورانسری بیگواہ، دو یل کنگ بیتگ اَنت

بلوچستان ءِ جتاجتائیں دمگاں چہ پاکستانی پوج ءِ دست ءَ دو مردم بیگواہ وھدے کہ دو مردم یل کنگ بیتگ اَنت-

چہ ڈیرہ بگٹی ءَ اباز ء راھو بگٹی پاکستانی پوج ءِ کارمنداں گوستگیں روچ ءَ چہ ڈیرہ بگٹی شھر ءَ زورانسری آوار جتگ ءُ بیگواہ کتگ-

کھول ءَ ورنا ءِ پہ سلامتی یل کنائینگ لوٹ کتگ-

چہ کلات ءَ پاکستانی پوج ءَ حامد علی ء لونگ خان نامیں ورنایے دزگیر کنگ ءَ پد ناشناسیں جاھے ءَ برتگ-

ھمے وڑ بیست ءُ چار نومبر ءَ چہ سوئی ءَ پاکستانی پوج ءِ دست ءَ زورانسری آوار جنی ءِ نشانگ کنگ بیتگیں پیر محمد ء پانو بگٹی ھمے ماہ ءَ یل کنگ بیتگ-

چہ پنجگور ءَ امان اللہ صدیق، کہ اود ءَ پاکستانی پوج ءَ ھمے سال ءِ ھپت دسمبر ءَ بلوچستان ءِ دمگ پنجگور ءِ ھند چہ پروم ءَ بیگواہ کتگ اَنت، یل بیتگ ءُ وتی لوگ ءَ سر بیتگ-