بلوچستان ءِ دمگ کیچ ءِ ھند تمپ ءَ پاکستانی پوج ءِ دست ءَ گوستگیں شپ ءَ آوار جنگ بیتگین ورنا ظریف ء اومر ءِ لٹ ءُ کُٹیں لاش دزکپتگ-
اھوالانی رد ءَ ظریف گوستگیں شپ ءَ پوج ءَ تمپ دازن ءَ چہ جند ءِ لوگ ءَ لٹ ءُ کٹ کنگ ءَ پد آوار جتگ ءُ مروچی آئی ءِ لاش دزکپتگ-
بی وائی سی ءِ نیمگ ءَ شنگ بیتگیں درشان ءَ گوشگ بیتگ کہ ظریف ءِ کوش بلوچ نسل کشی ءِ درچ اِنت کہ گوستگیں دھکاں چہ بلوچستان ءَ بلوچ مھلوک پاکستانی پوج ءِ دست ءَ کُشگ بوگ ءَ انت-
بلوچ یکجھتی کمیٹی ءِ رد ءَ کھول پیسلہ کتگ کہ آ لاش ءِ ھواری ءَ تربت ءَ شھید فدا چوک ءَ زھرشانی کنگ ءَ پیداک انت ءُ اے زھرشانی ءَ بلوچ یکجھتی کمیٹی بلوچ راج ءَ گوں دزبندی کنت اِنت کھول ءِ ھمراھداری ءَ بہ کن ات-