زاھدان ءِ جھمنند ماں استان ھراسان ءَ پاھو ءِ ھکم

چہ گوستگیں روچ ءَ سیستان ءُ بلوچستان ءَ ھواریں دمگاں دو مردمانی پاھو دیگ ءِ ھکم نامہ شنگ بیتگ اَنت-

ایران ءِ آمیدگس ءِ پرمان ءَ ماں استان ھراسان ءَ گنا آباد زندان ءَ زھدان ءِ جھمنندیں بندیگے ماں پاھو دیگ ءَ جتائیں کوٹی ءَ برگ بیتگ –

پاھو ءِ ھکم ءَ برگ بیتگیں مردم ءِ پجار سِی ءُ پنچ سالی ئیں عبداللہ نارویی ء نزر جھمنند زاھدان ءِ نام ءَ زانگ بیتگ-

عبداللہ چار سال پیش گناباد شھر ءَ نشہ واپاری ءِ بھتام ءَ گرگ بیتگ ءُ آئی ءِ سر ءَ ایرانی گناباد ءِ آمیدگس ءَ پاھو دیگ ءِ ھکم داتگ-

اھوالانی رد ءَ عبداللہ ءِ کھول ءَ گڈی گندوک گوستگیں روچ ءَ ماں گنا باد زندان ءَ کتگ بیتگ-

ایران ءَ درستاں گیش پاھو داتگین کساس سیستان ءُ بلوچستان ءِ گندگ کاینت کہ سال دوھزار ءُ بیست ءُ سَے ءَ ایوک ءَ پنجاہ ءُ چار کیس زاھدان ءِ زندان ءَ رپورٹ بیتگ انت ءُ سِی ءُ یک بیرجند زندان ءَ رپورٹ بیتگ اَنت-

ایران ءِ آمیدگس گیشتر بندیگیں مردماں نشہ واپاری ءِ بھتام جنگ ءُ آیاں پاھو دیگ ءَ اِنت- بلے لس اھوالاں گوشگ بیتگ بندیگیں مردماں وتی سپاھی کنگ ءِ موہ دیگ بوگ ءَ نہ اِنت-