بلوچستان ءِ آجوئی ءِ ھستیں سیاسی پاٹی بلوچ نیشنل مومنٹ ءِ دوھزار ءُ بیست ءُ چار ءِ تاکبند چہ زرمبش شنگکار ءِ نیمگ ءَ شنگ کنگ بیتگ-
شنگ بیتگیں اھوال ءِ رد ءَ اے تاک بلوچ نیشنل مومنٹ ءِ ھشتمی تاکبند انت کہ شنگ ءُ تالان کنگ بیتگ-
چہ زرمبش شنگکار ءِ نیمگ ءَ شنگ بیتگیں جارانک ءَ گوشگ بیتگ اے تاک ءَ چار زبان بلوچی، براھوئی، اردو ءُ انگریزی زبان ءَ نکان ھوار اَنت-
زانگ بہ بیت اے تاکبند چہ زرمبش شنگکار ءِ نیمگ ءَ وھد وھد ءِ سر ءَ شنگ ءُ تالان بوگ ءَ اِنت کہ اود ءَ پہ وانوکاں جتا جتائیں نکان دزکپ اَنت-
زرمبش شنگکار ءَ وتی تاکبند ءَ جتا جتائیں نبشتہ کارانی نبشتانک ءُ رجانک اے تاکبند ءِ توک ءَ جاگہ داتگ اَنت کہ آیانی توک ءَ بلوچی زبان ءُ براھوئی زبان گیش گندگ ءَ کاینت اِنت-