سیب ءُ سوران ءَ تیرگواری ءَ دو مردم بیران بیتگ انت

سیب ءُ سوران ءَ ناشناساں تیرگواری کنان ءَ دو مردم کشتگ انت-

گیشیں اھوالانی رد ءَ روکپتی بلوچستان ءِ دمگ سیب ءُ سوران ءَ ناشناسیں پرپٹ سواریں مردماں تیرگواری کنان ءَ دو مردم کشتگ انت-

بیران بیتگین مردمانی پجار سینا ایوبی ء درمھمد ءُ امیر چاکری ء رسول ھردوک سیب ءُ سوران ءِ جھمنند انت-

زانگ بہ بیت سال دوھزار ءُ بیست ءُ چار ءِ شش ماھانی توک ءَ دو سد ءُ دو مردم کشگ ءُ زدگ کنگ بیتگ اَنت-