بلوچستان ءِ بُنجاھی شھر شال ءِ دمگ چہ ھزار گنجی ءَ پاکستانی پوج ءَ جمال مری ء میرا خان مری نامیں یک مردمے زورانسری بیگواہ کتگ اَنت- کھول ءَ جمال مری ءِ پہ سلامتی یل کنائینگ ءِ دزبندی کتگ-
زانگ بہ بیت کہ گوستگیں سے روچ ءَ بلوچستان ءِ جتاجتائیں دمگاں چہ تنی وھدے نُھ مردم زورانسری آوار جنی ءِ نشانگ کنگ بیتگ-
زانگ بہ بیت کہ بلوچستان ءَ زورانسری آوار جنی وئیلانی تہ ءَ یکرندے پد ءَ گیشی گندگ اتکگ-
دی بلوچستان پوسٹ ءَ مچ کتگیں کچانی رِد ءَ نومبر ماہ ءَ پاکستانی پوج ءَ یک سد چل مردم زورانسری بیگواہ کتگ اَنت-