پاکستانی پوج ءِ ھمگرنچیں ادارہ ( آئی ایس پی آر ) ءَ ٹاہ داتگ کہ پوج ءَ بلوچستان ءُ خیبر پختونخوا ءَ جتاجتائیں آپریشن ءِ میان ءَ چل سے سلاہ بندیں مردم جنگ بیتگ-
آئی ایس پی آر ءَ ٹاہ رِد ءَ خیبر پختونخوا ءُ بلوچستان ءَ سلاہ بندیں مردمانی بیرانی نُھ دسمبر ءَ چہ تاں انو جتاجتائیں آپریشن ءِ میان ءَ بیتگ اَنت، چیریں ھالانی سر ءَ کنگ بیتگ کاروائی ءَ بیرانی پشتون خواہ ءُ بلوچستان ءِ سلاہ بندیں ٹولیانی یک بلاھیں سرین پُروشے اِنت-
پاکستانی پوج ءِ ھمگرنچیں ادارہ ء ٹاہ رِد ءَ دوازدہ ءُ سیزدہ دسمبر شپ ءَ پوج ءَ لکی مروت ءَ آپریشن کتگ، پوج ءَ سلاہ بندیں مردمانی اوتاکاں جتاجتائیں دروشم ءَ نشانگ کتگ، کاروائی ءِ میان ءَ شش سلاہ بندیں مردم کُشگ بیتگ اَنت-
پاکستانی پوج ءِ ھمگرنچیں ادارہ رِد ءَ سیزدہ دسمبر ءَ بلوچستان ءَ موسیٰ خیل ءُ پنجگور ءَ کاروائی کنگ بیتگ، پوج ءَ کاروائی ءَ دہ سلاہ بندیں مردم جنگ بیتگ، نُھ دسمبر ءَ چہ تاں انو بلوچستان ءَ بیست پنچ سلاہ بندیں مردم جنگ بیتگ-