بلوچستان ءِ دمگ چہ مستونگ ءُ تربت ءَ گیش سے مردم زورانسری آوار جنی وئیل رپورٹ کنگ بیتگ اَنت-
گیشیں ھالانی رِد ءَ کیچ ءِ بُنجاھی شھر چہ تربت ءَ پاکستانی پوج ءَ گیش یک ورنایے بیگواہ کنگ بیتگ اَنت- کھول ءَ گْوشتگ کہ شاہ جان ء برکت علی شپ ء یک ءَ پاکستانی پوج ءَ آئی ءِ لوگ چہ سری کھن ءَ بیگواہ کتگ-
کھول ءَ ورنا پہ سلامتی یل کنائینگ لوٹ کتگ-
ھمے وڑ چہ مستونگ ءِ تھسیل چہ دشت دمگ ءَ پاکستانی پوج ءَ سمیع کرد ء در محمد نامیں ورنایے گوں آئی ناکوزتک ءِ ھمراھی ءَ آوار جتگ ءُ بیگواہ کتگ اَنت انگت بیگواہ ءَ اَنت-
بلوچ وائس فار مسنگ پرسنز ءَ وتی سوشل میڈیا ایکس سر ءَ نبشتہ کتگ کہ کھول ءِ مردماں راست کتگ کہ سمیع کرد ء در محمد پوج ءَ گوستگیں ماہ نُھ نومبر ءَ آئی ءِ ناکوزتک ھمراھی ءَ بیگواہ کتگ کہ انگت بیگواہ ءَ اَنت-
وھدے کہ چہ کلات ءَ ھشت ءُ نُھ دسمبر ءِ میانی شپ ءَ پاکستانی پوج ءِ دست ءَ چہ کلی زکریازئی منگچر ءَ زورانسری بیگواہ سے برات محبوب علی، ارشاد احمد ءُ مرید احمد یل کنگ بیتگ اَنت-
زانگ بہ بیت کہ آئی ءِ زورانسری آوار جنی ھلاپ ءَ کھول گوستگیں دو روچ ءَ تاں شال کراچی شھدگ منگچر ھند سر ءَ زھرشانی بند کنان ءَ – انتزامیہ ھمراھی ءَ گپ دیوان ءُ دلجمی دیگ ءَ پد زھرشانی مھتل داشتگ ءُ مروچی آ یل کنگ بیتگ اَنت-