سَے شمبے ءَ روکپتی بلوچستان ءِ دمگ چھبار ءَ ایرانی لشکر ءِ تیرگواری ءَ یک بلوچ جنکوے زدگ بیتگ-
اھوالانی رد ءَ جنکو ءِ پجار دردانک رضوی مقدم ء یاسر ءِ نام ءَ زانگ بیتگ آ چھبار ءِ جھمنند اِنت-
اھوالانی رد ءَ دردانک وتی پت ءِ ھمراھی ءَ بازار ءَ شتگ بیتگ کہ اود ءَ گورنر ھاؤس ءِ نزیک ءَ چہ مارکیٹ واتر بوگ ءِ وھد ءَ ایرانی لشکر یک گاڑی ءِ دمب ءَ کپتگ ءُ آئی ءَ ھمے میان ءَ تیرگواری کتگ کہ چریشی ءَ تیر ھمے زھگ ءَ لگ اتگ اَنت-
اھوالانی رد ءَ دردانک ءِ پاد ءَ تیر لگ اتگ ءُ آپریشن کنگ بیتگ ءُ آئی ءِ جاور بھتر اَنت-
زانگ بہ بیت سال دو ھزار ءُ بیست ءُ سَے ءِ رپورٹاں سیستان و بلوچستان ءَ ایرانی لشکر ءِ تیرگواریاں 120 مردم بیران ءُ زدگ بیتگ اَنت- کہ ایشانی توک ءَ 80 مردم بیران ءُ 40 زدگ بیتگ اَنت – ءُ ایشانی توک ءَ 9 کسانیں زھگ ءُ 3 زالبول ھوار اَنت-