بلوچستان ءِ دمگ چہ کیچ ءَ یک مردمے ءِ لاش دزکپتگ-
گیشیں اھوالانی رد ءَ کیچ ءِ دمگ بلیدہ ءَ مروچی سھب ءَ جنتری کور ءَ یک مردمے ءِ تیرسپتگیں لاش دزکپتگ کہ آئی ءِ پجار نوید ء حمید ءِ نام ءُ زانگ بیتگ –
نزیکیں مردمانی رد ءَ گوستگیض بیگاہ ءَ نوید وتی گاڑی ءِ ھمراھی ءَ دراتکگ شپ ءَ واتر نہ بیگگ سھب ءُ جنتری کور ءَ آئی ءِ تیرسپتگیں لاش دزکپتگ-
وئیل ءِ سبب زانگ نہ بیتگ-
ھمے وڑ شال ءِ ھند میان گنڈی ءَ کلہ زرین ءَ ناشناسیں مردمانی رکشائے ءِ سر ءَ تیرگواری کرتگ ءُ شیر احمد ء علی محمد کشتگ ءُ مھر اللہ ٹپی کتگ –
ھمے وڑ چاگی ءَ سلاہ بندانی تیرگواری ءَ سعید احمد ءُ الیاس نامین دو مردم بیران بیتگ اَنت –
ھمے وڑ دکی ءَ اشکرانی کھن ءَ ناشناسانی تیرگواری ءَ یک مردمے زدگ بیتگ-