نامی ئیں برتانیہ ءِ ھال شنگ کنوکیں ادارہ بی بی سی ءِ رد ءَ 2024 ءَ سرجمیں دنیا ءَ 100 سانمندیں ءُ گچینی زالبولانی سالگشتی نام شنگ کتگ اَنت-
اے لڑاں اڑ اتگیں ھلاباز سنیتا ولیمز، زورانسری جنسی ءَ بچ اتگیں جیسیل پیلی کوڑ، ازمکار شیرون اسٹون، اولمپک ایتھلیٹس ریبیکا اینڈ ریڈ ءُ ایلیسن فیلکس، گشندہ رے، نوبل داد گروکہں نادیہ مراد، بصری ازمکار، ٹریسی ایمن، گوات ءُ مولم ءِ مھم ھلائینوکہن کرسٹا اولیڈو ءُ انسانی ھکانی منوکیں ڈاکٹر ماہ رنگ بلوچ ھوار اَنت-
بی بی سی ءَ 100 گچینی ءُ سانمندیں مردمانی تہ ءَ ھواریں ڈاکٹر مھرنگ بلوچ ءِ بارو ءَ نبشتہ کتگ کہ بلوچستان ءَ سیادی داروکیں ماہ رنگ بلوچ یک میڈیکلے ڈاکٹر ءُ سیاسی باسکے-
بلوچستان ءَ گمانی رنگ ءَ بیگواھیانی ھلاپ ءَ بیوکیں زھرشانیاں سرجمیں پاکستان ءَ سدانی زالبولاں ماہ رنگ بلوچ ھوار اِنت-
“آئی ءَ انساپ ءِ لوٹ ھما وھد ءَ بوتگ کہ آئی ءِ پت 2009 ءَ سیکورٹی پورسز ءِ کارندھاں دزگیر کتگ ءُ دو سال ءَ پد آئی ءِ لٹ ءُ کٹ کتگیں لاش دزکپتگ۔”
آئی ءَ گیش نبشتگ کتگ کہ “2023 ءِ گڈسر ءَ بلوچ ءَ سداں زالبولانی سروکی کنان ءَ 1000 میل (1600 کلومیٹر) ءِ مارچ ءَ بنجاھی شھر اسلام آباد ءَ شتگ ءُ وتی ھاندان ءِ مردمانی بابت ءَ سرپدی ءِ لوٹے کتگ۔” آ دو رند ءَ سپر ءِ وھد ءَ دزگیر کنگ بوتگ۔”
’’میڈیکل ڈاکٹر چہ ھمے وھد ءَ وتی انسانی ھکانی گل بلوچ یکجھتی کمیٹی بی وائی سی ءِ بیرک ءِ چیر ءَ یک نامداریں جہمھدکارے جوڑ بوتگ۔ انسانی ھکانی پڑ ءَ آئی ءِ کار TIME100 Next 2024 ءِ نوکیں رھشونانی لسٹ ءَ منگ بوتگ۔
“بلوچستان ءَ کہ یک دیریں راجدوستیں شورشے بندات انت ، زھرشانی کنوک گْوش اَنت کہ آھانی نزیکیں مردم پاکستانی سیکورٹی پورسز ءِ دست ءَ شورش ءِ ھلاپ ءَ آپریشن ءِ تہ ءَ دزگیر ءُ کُشگ بوتگ اَنت۔” اسلام آباد ءِ واکدار اے گپاں رد کن اَنت۔”