انٹرنیٹ سروس ءِ بندشی ءِ سبب ءَ دگہ ھندانی ڈول ءَ شال ءَ ھم انٹرنیٹ سروس یکدم سانمند بیتگ-
سوشل میڈیا ءِ باسکاں وٹس ایپ ءُ پیس بک ءِ کارمرد کنگ ءَ مشکلانی دیمپانی کنگ کپگ اِنت- ءُ آن لائن کار کنوکیں مھلوک ھم مشکلانی دیمپان اَنت-
زانگ بہ بیت گوستگیں ماہ ءَ سرکاری پیسلگ ءِ تک ءَ بلوچستان ءِ دمگ گوادر، کیچ، پنجگور، ھزدار، زیارت، کلات، بولان، دکی، لورالائی، ھرنائی ءُ مچ ءَ ھوار دگہ ھنداں انٹرنیٹ سروس سرجمی ءَ بند کنگ بیتگ-
پاکستان ٹیلی کمیونیکیشن اتھارٹی ( پی ٹی اے) ءِ چیئرمین میجر جنرل ( ر) ھاپز رھمان ءَ سینیٹ ء کمیٹی برائے آئی ٹی اینڈ ٹیلی کام ءِ نیاد ءَ بلوچستان ءَ برجاھیں پوجی آپریشن ءِ وھد ءَ انٹرنیٹ ءِ بند بوگ ءِ ھال راست کتگ-