روکپتی بلوچستان ءِ دمگ دلگان ءَ دو ٹکانی میان ءَ جنگ ءُ چوپ ءَ پنچ مردم بیران بیتگ اَنت ءُ سَے زدگ بیتگ اَنت-
گیشیں اھولانی رد ءَ دلگان ءَ دو ٹک زمینانی جیڑہ ءِ سر ءَ جنگ ءُ چوپ بیتگ اَنت کہ چریشی ءَ چہ پنچ مردم بیران ءُ سَے زدگ بیتگ اَنت-
بیران بیتگیں مردنانی پجار امیر حسین نوابی بامری، حسین نوابی بامری ھردوک شاہ دوست ءِ چک انت،عابدین بامری ء جنید، روح اللہ ھاجی زادہ ء مھر اللہ ءُ مھمد رضا نورا ءُ زدگ بیتگینانی پجار مھمد نوابی بامری، علی اکبر نوابی بامری ء شاہ دوست ھردوک برات انت ءُ مھمد حسن ناروئی ھوار اَنت-
اھوالانی رد ءَ اے دویں ٹک زمین ءِ جیڑھے ءِ سر ءَ اڑتگ اَنت ءُ چریشی ءَ ھردوکیں نیمگاں تیرگواری بیتگ ءُ پنچ مردم بیران ءُ سَے زدگ بیتگ اَنت-