دوشمبے ءِ روچ ءَ بلوچستان ءِ تیاب دپی شھر گوادر ءَ بلوچ یکجھتی کمیٹی ءِ سروک ڈاکٹر ماہ رنگ بلوچ ءَ گوادر بار روم ” بار گس”شتگ، اے درگت ءَ گوادر ءِ بار ءِ سروک نعیم شریف ءُ دگراں آئی ءِ وش آتکی کتگ-
اے درگت ءَ ڈاکٹر ماہ رنگ بلوچ ءَ وکیلاں چہ ءَ تران کنان ءَ گْوشتگ کہ مارا، ھاسکار یک سیاسی باسک، وکیلاں یک مھکمیں جُھدے کنگی اِنت پرچاکہ مئے مردم سرپد نہ اَنت کہ چی بیگ ءَ اِنت، آ پیسر ءَ چہ انچش زوراکی ءِ نشانگ تہ ءَ اَنت مروچی پوج ءَ آیانی لوگ مانداشتگ اَنت، آ بے لوگ کنگ بنت بلے جُست کنوک نیست-
آئی ءَ بلوچستان ءِ انگیں لشکر کشی ءِ درگت ءَ گوشتگ کہ جُست چست کن ایں کہ بلوچستان ءَ لشکر کشی ءِ پیسلہ کنوکیں ادارگ راستی ءَ کانودی ادارگ اِنت کہ اے پیسلہ ءَ زُرت کنت-
آئی ءَ گوشتگ کہ بلوچستان ءَ لشکر کشی ءِ مروچی پاکستان ءِ زانگور ھم بے توار اَنت – پنجاب ءِ زانگور، اِھوالکار ءُ ورکرانی تچکی ءَ لوٹ بیتگ کہ بلوچستان ءَ لشکر کشی کنگ لوٹ اِیت -ھمے ھاتر ءَ ما زُلم ءِ ھلاپ ءَ یک سیاسی زُمبشتے کنگ ءَ ایں-
آئی ءَ گْوشتگ کہ پاکستان آمیدگسی نزام ھم بلوچ چُکچینی ءِ بھر اِنت، دیم ءَ روت آ گیا کریک ڈاؤن کُت کنت بلے بلوچ راجی رکینگ ھاتر ءَ اے زرمبشت گیش مھکم کنگ ءِ اژدری اِنت-