گوادر : پاکستانی کوسٹ گارڈ ءِ لَٹ کُٹ ءَ چہ ماھیگرے بیران

پوجی میجر ءِ پرمان سر ءَ کارمنداں دریاوردانی لانچ سر ءَ اُرش کتگ، یک دریاوردے ٹپی –

پاکستانی کوسٹ گارڈ ءِ دست ءَ گوادر ءَ بلوچ دریاوردے کوش وئیل، بلوچ نیشنل موومنٹ ءِ ادارہ پانک ءِ رِد ءَ پاکستانی کوسٹ گارڈ اُرش ءَ گوادر ءِ دمگ چہ جیوانی ءَ سیادی داروکیں بلوچ دریاورد عبدالغفار بلوچ بیران بیتگ وھدے کہ عبدالصدیق نامیں دریاوردے ٹپی بیتگ-

پانک رِد ءَ اے اُرش کوسٹ گارڈ ءِ میجر احمد پرمان سر ءَ کنگ بیتگ ، چریشی ءَ دریاوردانی لانچ لپاشتگ ءُ آ لَٹ کُٹ کتگ اَنت، چریشی ءِ آسر ءَ یک دریاوردے بیران بیتگ-

اے وئیل گوادر ءِ دمگی مردماں آیاں گیش تُرس آماچ کنت کہ ریاستی ادارہ ھاسکار کوسٹ گارڈ، دریاورداں نشانگ کنگ ءَ اِنت-

دمگی دریاوردانی رِد ءَ، کوسٹ گارڈ گیشتر دریاورداں دلسیاہ ءُ ترسین اِیت ءُ گھگیری کنگ ءَ آ زورانسری بیگواہ کنگ بنت یا کشُگ-

گوادر کہ پاکستانی دیمروئی شوربندیانی بُنجاہ ءَ اِتت، مروچی ھم اژدری وڑیں ساپیں آپ ءُ روزگار ھاتر ءَ ریاستی ادارہ آیاں دلگوش دیگ ءَ نہ اَنت-

آیاں دیمتر ءَ گوشتگ کہ گوادر ءِ دمگی مردم باز مزنیں کچے ءَ زھرشانی ءِ کتگ بلے ھکومتی ٹاھاں اَبید آیانی جیڑہ گیش ءُ گیواری کنگ نہ بیتگ اَنت-