کیچ ءِ دمگ دشت کھڈان ءَ مردمانی بیگواھی ءِ درچ برجاہ، بیگواہ بیتگیں مردمانی کساس ھپت ءَ سر بیتگ اَنت-
گیشیں اھولانی رد ءَ کیچ دشت کھڈان ءَ پاکستانی پوج ءَ یک مردمے آوار جتگ ءُ برتگ –
آوار جنگ بیتگیں مردم ءِ پجار عظیم ءِ نام ءَ زانگ بیتگ کہ آ دشت کھڈان ءِ جھمنند گوشگ بیگ ءَ اِنت-
زانگ بہ بیت چِد ءُ پیش 19 نومبر 2024 ءَ نودربر علی اصغر ء محمد ءُ حبیب ء مجیب ءُ 10 نومبر 2024 ءَ تلال عمر ء محمد عمر، سلمان ء لیاقت، ءُ11 نومبر 2024 ءَ عامر ء محمد ابراھیم ءُ حکیم آوار جتگ ءُ برتگ اَنت-
اے آوار جنیانی توک ءَ ھما وھد ءَ گیشی اتکگ کہ کھڈان ءَ پوج ءِ سر ءَ بیتگیں اُرش ءَ پد ءَ اود ءَ پوجی آپریشن بندات بیتگ-
دمگی مردمانی رد ءَ اود ءَ پوج ءَ مھلوک ءِ روگ ءُ آیگانی سر ءَ نگاہ ایر کتگ ءُ سُر ءُ پرانی سر ءَ ترندی کنگ ءَ اِنت-