چہ کیچ تربت ءَ سیادی داروکیں بلوچی زبان ءِ کلانیں شائڑ ءُ لبزانت شاہ داد چاھسری بیران بیتگ-
اھوالانی رد ءَ کیچ تربت ءِ جھمنندیں سیاسی ءُ چاگردی ءُ لبزانکی باسک شاہ داد چاھسری کراچی ءَ یل ھسپتالے ءَ بازیں نادراھی ءَ پد بیران بیتگ-
شاہ داد چاھسری ءَ بلوچی زبان ءَ بلوچی ءِ بنداتی تاک، زمانہ، اولس، نوکیں دور، سوگات، نوائے وتن، مھتاک لبزانک ءُ شاچینگ چھاپ بیتگ اَنت ایشانی ھواری ءَ آئی ءِ شَیری دپتر برتکگیں اوست ھم چھاپ ءُ بیتگ اَنت-
شاہ داد چاھسری ءِ بیرانی ءِ پژدر ءَ لبزانکی پھناتاں دلپدری درشان کنگ بوگ ءَ اِنت ءُ آئی ءِ کھول ءِ رد ءَ شاہ داد چاھسری ءِ میت کراچی ءَ دیم پہ کیچ ءَ آرگ بوگ ءَ اِنت ءُ نماز جنازہ ءِ جار رند ءَ پرینگ بیت اِنت-