بلوچستان ءِ دمگ نوشکی ءَ مروچی دومی روچ ءَ ھم لشکر کشی ھم برجاہ-
گیشیں ھالانی رِد ءَ نوشکی ءَ دومی روچ ءَ ھم لشکر کشی برجاہ ءَ اِنت ھمے میان ءَ منجرو، گوربرات ءَ ھوار چہ لجے ءَ ھمگرنچیں دمگاں ساڑی ئیں پوجی کارمنداں لوگ مانداشتگ اَنت ءُ مارٹر ھم آس داتگ-
زانگ بہ بیت کہ گوستگیں روچ ءَ بندات بیتگیں لشکر کشی ءَ پیادگ پوجی کارمنداں ھوار تیرگواریں ھیلی کاپٹر ھم بھر زیرگ ءَ اَنت- گوستگیں روچ ءَ بازیں ھندانی سر ءَ ھیلی کاپٹراں چہ کمانڈوز ھم ایر گپتگ-
بلے لشکر کشی ءَ انگت ھچ وڑیں جانی ءُ دزگیری ھال سر نہ بیتگ-