بی ایل ایف ءَ دُژمن گوم ءَ میڑ ءَ شھید بیتگیں سرمچار سھرچکیں دروت ندر کنگ ءُ دو اُرشانی زمہ واری منّ اِتگ

بی ایل ایف ءَ دُژمن گوم ءَ شھید بیتگیں سرچار سُھرچکیں دروت ندر کتگ ءُ شاپک ءُ شھرک ءَ پوج سر ءَ بیتگیں اُرشانی زمہ واری منّ اِتگ اَنت-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گوشتگ کہ دوازدہ نومبر دوھزار بیست چار ءَ سرمچاراں بالگتر گلے مشن ءَ بیتگ اَنت کہ دُژمن ءِ گوم ءَ یک میڑے ءَ گل ءِ سیکنڈ لیفٹنینٹ اعظم پنّام ءِ قاسم ء محمد رحیم جھمنند تیرتیج آواران ، سیکنڈ لیفٹینٹ انور پنّام ءِ ثناہ جان ء حسین جھمنند رید توک بالگتر، ارب نواز پنّام ءِ جھانزیب جھمنند گریشہ ءُ زھیر پنّام ءِ آزاد ء فضل جھمنند بیرونٹ کیلکور سرڈگار ءِ رکینک دُژمن ءِ گوم ءَ گوں دلیری ءَ جنگ کنان ءَ شھید بیتگ اَنت-

جارکش ءَ گوشتگ کہ سیکنڈ لیفٹینٹ اعظم پنّام ءِ سنگت قاسم دوھزار سیزدہ ءَ چہ بلوچ راجی آجوئی ءِ جُنز ءَ بی ایل ایف پیلٹ فارم ءَ گوں ھمگرنچ بیتگ، آ یک ھیلکار چیر جنگی سرمچار ءُ یک مھنتی ءُ نوکیں جنگی رپکاں بلدیں سنگتے بیتگ- آئی ءَ گل ءِ دیمروئی مھکم کنگ ءَ یک بلاھیں کردے پیلو کتگ – آئی ءَ جنگ پڑ ءَ گچک، آواران، کیلکور، کولواہ، بلیدہ، زامران ءُ دگہ بلاھیں جنگاں زورگریں پوج ءِ ھلاپ ءَ جنگاں بھر زرتگ- آئی ءِ جُھد ءُ ایمانداری دیستگ ءُ گل آ بُنجل ءِ سنگتانی جنگی ھیلکاری ءِ زمہ واری داتگ آ اے وھد ءَ گل ءِ سکینڈ لیفٹنینٹ ءِ بستار ءَ چہ وتی زمہ داریاں جوانیں وڑے ءَ پیلو کنگ ءَ بیتگ – شھیدیں سنگت گوستگیں یک سالے ءَ چہ قربان یونٹ بھر بیتگ-

جارکش ءَ گْوشتگ کہ سکینڈ لیفٹنینٹ انور پنّام ءِ ثناہ بلوچ دوھزار ھپدہ راجی آجوئی ءِ جُنز ءَ بی ایل ایف ءَ گوں ھمگرنچ بیتگ – آئی ءَ وتی مھنت ، بودناکی ءُ اوپار ءِ سوب ءَ چہ کم مدت ءَ یک مزنیں جاھے رستگ، سال دوھزار بیست سے ءَ آ دُژمن ءِ گوم ءَ یک میڑے ءَ ٹپی بیتگ اشی ءَ پد نومبر دوھزار بیست سے ءَ دُژمن ءَ آئی ءِ کھول ءَ سیادی داروکیں سے بیگواھیں ورنا یک دروگیں میڑے شھید کتگ اَنت، بلے آوتی آجوئی ءِ لیکہ چہ ءَ پدکنز نہ بیتگ ءُ شھید ءَ جتاجتائیں جنگاں بی ایل ایف ءِ پلیٹ فارم ءَ چہ راجی آجوئی ءِ ھاتر ءَ جھد کتگ- آئی ءَ اورماڑہ، کولواہ، کیلکور، بلیدہ، زامران، پروم ءُ وتگڑیں سی پیک ءِ بلاھیں جنگاں دُژمن سک تاوان ءِ دیمپان کنگ وتی جوانیں وڑے ءَ کرد پیلو کتگ – آ اے وھد ءَ گل ءِ سکینڈ لیفٹنینٹ ءِ بستار ءَ وتی زمہ واریاں جوانیں وڑے ءَ پیلو کنگ ءَ بیتگ-

جارکش ءَ گوشتگ کہ شھید ارب نواز پنّام ءِ جھانزیب دوھزار بیست یک ءَ چہ راجی آجوئی ءِ جُنز ءَ بی ایل ایف ءَ گوں ھمرنچ بیتگ – آ یک ایمانداریں جنگولیں سرمچارے بیتگ ءُ گل ءِ ھرچ کار ءَ پیشگام بیتگ- آئی ءَ گل ءِ پلیٹ فارم ءَ چہ جھاؤ ،گریشہ، آواران ، کیلکور، مشکے ءُ کولواہ ءَ اَبید دگہ بازیں جنگاں دُژمن ھلاپ ءَ جنگ کتگ ءُ دُژمن ءَ را پروش دیگ بلاھیں کرد پیلو کتگ ءُ باز رند ءَ دُژمن انگر ءَ اَتکگ بلے وتی سوبمندیں رپکاں ءُ دلیری ءِ سوب ءَ چہ دراھگ ءَ سوبمند بیتگ-

جارکش ءَ دیمتر ءَ گوشتگ کہ زھیر پنّام آزاد دوھزار بیست دو ءَ چہ بلوچ راجی آجوئی ءِ جُنز ءَ بی ایل ایف ءَ گوں ھمگرنچ بیتگ – آئی ءَ بالگتر، کیلکور، بلیدہ ءُ بازیں جنگاں دُژمن ھلاپ ءَ بھر زرتگ دُژمنیں پوج ءَ را پروش دیگ ءَ جوانیں کرد پیلو کتگ، تو ایماندار، دلیر ءُ اوپار سگگ ھمراھی ءَ وتی روچ شپ بلوچ راجی جُنز ءِ ھاتر ءَ کربان کتگ – تو یک نہ تُرس ءُ زانتکاریں سرمچارے بیتگ ئے-

جارکش ءَ گوشتگ کہ بلوچ سرڈگار آجوئی ءِ ھاتر ءَ سر دیوکیں سرجمیں شھیداں سُھرچکیں دروت ندر کن ایں، راج ءِ بامردیں پُسگاں شھیدی نوش کتگ راج ءَ را آجوئیِ ءِ راہ پیشداشتگ-

جارکش ءَ گوشتگ کہ سنگتانی شھیدی ءَ چہ مئے جزبگ ھلاس نہ بنت بلکیں آجوئی وڑیں بے بھائیں منزل ءِ واستا شھیدانی ریتکگیں ھون مئے واستا یک تچکیں راھے-

جارکش ءَ گوشتگ کہ بلوچستان لبریشن فرنٹ وتج سنگتیں سرمچار سیکنڈ لیفٹینٹ شھید اعظم پنّام سنگت قاسم، سیکنڈ لیفٹینٹ شھید انور پنّام ءِ ثناہ، شھید عرب نواز پنّام جھانزیب ءُ شھید زھیر پنّام آزد ھوار بلوچ راجی جُنز ءِ راہ ءَ شھید بیتگیں سرجمیں شھیداں آیانی بے میں دیمونیانی سر ءَ سُھرچکیں دروت ندر کن ایں ءُ اشی ءِ ھمراھی ءَ کول کن ایں شھیدانی دیمونیاں ھچبر بیھال نہ کن ایں بلکیں آجو بلوچستان ءَ تاں جُنز ءَ یکشل ءَ برجاہ دار ایں-

جارکش ءَ دگہ یک درشانے ءِ تہ ءَ دو جتاجتائیں اُرشانی زمہ واری منّ اِتگ کہ گوشتگ کہ 17 نومبر ءَ ￴روچ ءِ ￵یازدہ ءُ ￶پنجاہ ءَ ￴کیچ ءِ ￵ھند شھرک ءَ ￴ڈیم بازار ءَ ￴سرمچاراں دژمن ءِ ￵پیادگی ٹولی ءُ ￶یک گاڑی یے گوں آئی ای ڈی بمب اُرش ءَ نشانگ کتگ۔ اُرش ءَ ￴زورگریں دژمنیں پوج ءِ ￵دو کارمند جاھی مرتگ اَنت۔ اشی ءَ ￴پد سرمچاراں دژمن ءِ ￵پادگیں کارمند گوں وتکاریں سلاھاں نشانگ کتگ اَنت، چریشی ءَ دژمن ءَ ￴گیش جانی تاوان بوتگ۔ ￵

جارکش ءَ ￴گوشتگ دگہ یک اُرشے ءَ ￴سرمچاراں سیزدہ نومبر چارشمبے ءِ ￵روچ ءَ ￴سھب ءِ ￵یازدہ ءَ ￴شھرک ءَ ￴برجاھیں زورگریں پاکستانی پوج ءِ ￵پانگس گوں نوک ءُ ￶مزنیں سلاھاں نشانگ کرتگ۔ اُرش داں بیست دمان ءَ ￴برجاہ بوتگ چریشی ءِ آسر ءَ ￴زورگریں پاکستانی پوج ءَ ￴جانی ءُ ￶مالی تاوان بوتگ۔

جارکش ءَ ￴گوشتگ کہ اُرش ءِ ￵دومی روچ ءَ ￴پوج ￴ھمے ھند ءَ ￴سر بوتگ لس مردم ترسینتگ اَنت اے زورگر ءِ ￵پروش ءِ ￵نشانی اِنت۔

میجر گوھرام ءَ ￴اُرشانی زمہ واری منّ اتگ ءُ ￶گوشتگ کہ داں زورگریں لشکر ءِ ￵دراھگ ءَ ￵اُرشاں برجاہ دارگ ءِ ￵کول ءَ ￴کن ایں۔