گوادر : پاکستان کوسٹ گارڈز ءِ زھرشانی کنوکیں زالبولانی سر ءَ تیرگواری ءُ زوراکی

بلوچستان ءِ تیاب دپی شھر گوادر ءِ تھسیل پسنی ءَ پاکستان کوسٹ گارڈز ءَ چٹی ھند سر ءَ زھرشانی کنوکیں زالبولانی سر ءَ تیرگواری کتگ-

گیشیں ھالانی رِد ءَ تیل کشیں گاڑیاں ھکمروچ گرگ ءُ ڈرائیورانی سر ءَ لَٹ کُٹ ھلاپ ءَ دمگی زالبولاں چٹی ءِ ھند سر ءَ زھرشانی کتگ ءُ مکران کوسٹل ھائی وے بند کتگ، اے میان ءَ پاکستان کوسٹ کارمنداں زالبولانی سر ءَ تیرگواری کتگ-

پک اپ یونین ءِ صدر رِد ءَ کارمنداں پک اپ ڈرائیور ھم گپتگ ءُ آ لَٹ کُٹانی نشانگ کتگ اَنت-

زھرشانی کنوکاں گوشتگ کہ پوج آیانی باپاری ءِ بند کتگ، چریشی ءِ سبب ءَ آیاں مالی بدھالی ءِ دیمپانی اِنت- آیاں سیمسر باپاری سر ءَ بندی ءَ ھلاس کنگ لوٹ کتگ-