بلوچستان ءِ دمگ کلات ءُ مچ ءَ پاکستانی فوج ءِ آپریشن برجاہ انت، بالی گرابانی روگ ءُ آیگ-
چہ گوستگیں روچ ءَ کلات ءِ کوھانی تہ ءَ پاکستانی فوج ءِ آپریشن برجاہ انت، وھدیکہ دمگ ءَ رھوتی نزام بند کنگ بوتگ انت۔
آپریشن ءِ تہ ءَ پیادگیں کارمندانی ھمراھی ءَ ھیلی کاپٹر ھم بھر زورگ ءَ انت، بازیں جاھاں ٹوپ گواری ءِ ھال ھم ھست انت۔
دومی نیمگ ءَ بولان ءِ دمگ مچ ءَ مرچی سیمی روچ اِنت کہ پوجی آپریشن بیگ ءَ اِنت۔
دمگی مردماں ٹی بی پی ءَ را گشتگ کہ ابگم، گنی پرا ءُ کش ءُ گوری دمگاں آپریشن بوگ ءَ انت۔
واکداراں انگت ءَ پوجی آپریشن ءِ بابت ءَ ھچ وڑیں ھال ءُ اھوال نہ داتگ وھدے کہ دمگانی تہ ءَ رھوتی نزام ءِ بند بوھگ ءِ سبب ءَ تاوانانی بابت ءَ ھالانی رسگ ءَ مشکل ھت انت۔
زانگ بہ بیت آدینگ ءُ شمبے ءِ شپ ءَ بلوچستان ءِ دمگ کلات جوھان ءِ ھند شاہ مردان ءَ پاکستانی لشکر ءِ کیمپ ءِ سر ءَ بلوچ لبریشن آرمی ءِ سرمچاراں اُرش کتگ کہ ایشی ءِ آسر ءَ لشکر ءِ 7 کارندہ مرتگ انگ ءُ 18 کارندہ ٹپیگ بوتگ اَنت۔ .
اُرش ءِ زمہ واری بلوچ لبریشن آرمی ءَ من اِتگ بلے انگت ءَ بی ایل اے ءِ نیمگ ءَ سرجمیں بیان دیم ءَ نیتکگ –