روکپتی بلوچستان ءِ دمگ ھاش ءَ ناشناسیں مردماں تیرگواری کنان ءَ یک مردمے کُشتگ ءُ یکے زدگ کتگ –
وئیل ھاش ءِ ھند پیشتکوہ ءَ پیش اتکگ کہ اود ءَ ناشناساں تیرگواری کرتگ ءُ یک مردمے کُشتگ-
کُشگ بیتگیں مردم ءِ پجار پنجاہ سالی ئیں جمعا درازئی ء ھسن ءِ نام ءَ زانھ بیتگ کہ آئی ءِ ھمراھی ءَ دگہ یک مردمے زدگ ھم بیتگ-
اھوالانی رد ءَ یک گاڑی سواریں مردمے ءَ جمعا ءِ سر ءَ تیرگواری کرتگ ءُ چریشی ءَ چہ آ زدگ بیتگ ءُ پد نادراہ جاہ ءِ سر بوگ ءَ آئی ءَ وتی ساہ داتگ اَنت-
روکپتی بلوچستان ءَ گیشتریں چوشیں وئیل پیش آیگ ءَ اَنت ، بلے اے پیش اتکگیں وئیل ءِ باروا ءَ دگہ گیشین اھوال نہ بیتگ اَنت-