سرباز: ایرانی لشکر ءُ سلاہ بندانی جنگ ءُ چوپ، جیش العدل ءَ زمہ واری من اتگ

روکپتی بلوچستان ءِ دمگ سرباز جلال آباد ءَ ناشناسیں سلاہ بند ءُ ایرانی لشکر ءِ میان ءَ جنگ ءُ چوپ بیتگ کہ چریشی ءَ ایرانی لشکر ءَ جانی تاوانانی دیمپانی کنگ کپتگ-

دومی نیمگ ءَ جیش العدل ءَ اُرش ءِ زمہ واری کسانے درشانے ءَ گوشتگ کہ اے اُرش ءَ ایرانی لشکر ءِ پانزدہ نپر کشتگ ءُ زدگ کتگ اَنت-

آئی ءَ گوشتگ اُرش ءِ وھد ءَ دو ڈرون ھم جتگ ءُ دور داتگ اَنت-

آئی ءَ گوشتگ جلال آباد ءَ یک میتگے ءَ ایرانی سپاہ لشکر ءِ میان ءَ ڈکر وری بیتگ ءُ چریشی ءَ چہ جنگ ءُ چوپ بندات بیتگ کہ اود ءَ بازیں وھدے ءَ جنگ برجاہ بیتگ-

دومی ایران ءِ سرکاری رسانکدر ءَ دو کارندھانی کوش ءُ سَے کارندھانی دزگیری ءِ ھال راست کتگ-

زانگ بہ بیت روکپتی بلوچستان ءَ اے ھمے زوتاں ایرانی لشکر ءِ سر ءَ جیش العدل ءِ اُرش گیشی ءَ گندگ اتکگ اَنت-