روکپتی بلوچستان ءِ بنجاھی شھر زاھدان ءَ ایرانی لشکر ءِ تیرگواری ءُ ڈرون اُرشاں ھپت بیران ءُ ٹپی بیتگ انت-
گیشیں اھوالانی رد ءَ مروچی سربیشہ ءُ زاھدان ءَ ایرانی لشکر ءِ تیرگواری ءُ ڈرون اُرشاں ھپت مردم بیران ءُ ٹپیگ بیتگ انت ۔
بیران بیتگیں یک مردمے ءِ پجار ایرج ء امیر نام ءَ زانگ بیتگ ۔
دومی مردمے نام زانگ نبیتگ۔
ھمے وڑا زاھدان ءِ دمگ کورین مرچی ایرانی لشکر ءِ ڈرون ارش ءَ پرپٹ سواریں چار مردم نشانگ کنگ بیتگ اَنت کہ آ بیران بیتگ اَنت۔
اے اُرش ءَ بیران بیتگیں مردمانی پجار زانگ نبیتگ انت ۔
دگہ یک وئیلے زاھدان ءِ دمگ شیراباد ءَ بیتگ کہ چار شمبے روچ ءَ ایرانی لشکر ءَ مردمے سرا بے سریں تیرگواری کُرتگ ءُ آئی ءِ پاد تیر کُرتگ اَنت۔
ٹپیگ بیتگیں مردمے پجار آدل ء کاسم اِنت کہ آ زاھدان ءِ دمگ شیر اباد ءِ جھمنند اِنت۔
آ پہ درمان کنگ ءَ نادراہ جاہ ءَ برگ بیتگ۔